Општина Велес по разрешувањата, постави вршители на должност на некои од јавните институции

Дипломираниот правник Александар Дамчевски е поставен за вршител на должност на ЈП „Парк спорт", откако градоначалникот на Општина Велес Аце Коцевски, минатата недела поради неправилности во работењето го разреши директорот Златко Гуцев.

За вршител на должност на ЈКП „Дервен" е поставен дипломираниот економист Душко Ќумбев, откако поради морални причини вчера оставка си поднесе досегашниот директор Ѓорѓи Стојанов, бидејќи неговиот син Јане Стојанов бил избран на функцијата раководител на Регистрациското одделение на Централен регистер – Велес.

Откако директорот на ЈП „Велес гас" Александар Гулевски денеска од лични причини си поднел оставка, за нов вршител на должност во ова претпријатие именуван е Зоран Синадинов, земјоделски инженер.

На местото на досегашната директорка на ООУ „Благоj Кирков", Сениха Брзева, на која и истече четиригодишниот мандат, за в.д. директор е именувана Анкица Калешова, дипломиран одделенски наставник. Имено, во тек е конкурсот за избор на нов директор, информираат од Општина Велес.