Во Кичево доделени признанија за крводарителство

Во просториите на општинската организација на Црвениот крст во Кичево денеска беа доделени благодарници и плакети на крводарителите кои во 2018 година се покажале со својата хуманост.

– Несебичното давање помош и поддршка е димензија која човекот го прави човек. Хуманост е да се дарува крв, тоа е непроценлива течност, човечки е да им се помогне на оние на кои што им е најпотребно, особено кога се работи за човечки живот, рече на свеченоста Ивана Лазеска од ОО Црвен крст Кичево.

Во знак на благодарност општинската организација Кичево им додели благодарници и плакети на крводарителите, компаниите и државните институции кои во текот на минатата година придонеле за крводарителството во Кичево, како и на крводарителите со јубилејно 5-то,10-то, 25-то и 50-то дарување.