Црна Гора: Продолжува распитот на поранешни припадници на АНБ поради нелегално прислушување и уништување документи

Во Црна Гора продолжува распитот на поранешните припадници на Агенцијата за национална безбедност (АНБ), осомничени за нелегално прислушување и следење одредени лица и уништување документи на тајните служби пред промената на владата во таа земја.

Според подгорички Вијести, поранешниот директор на АНБ Дејан Перуничиќ, разрешените раководители на сектори Лука Булатовиќ и Срѓа Павичевиќ, како и службениот Михајло Мартиновиќ биле испрашувани вчера под сомнение дека во таа служба има „таен одред“ кој прислушувал граѓани и следел граѓани, а потоа ја уништиле таа документација.

Според Вијести, Мартиновиќ на рочиштето ги потврдил сите наводи во пријавите поднесени од предложениот кандидат за директор на АНБ и сегашниот вршител на должноста Дејан Вукшиќ.

По наредба на специјалната обвинителка Стојанка Радовиќ, разрешениот началник Данило Грозданиќ беше испрашуван претходно како граѓанин.

Специјалното државно обвинителство го формираше случајот на почетокот на минатата недела.