Бојан Маричиќ забранува невладини организации да го користат името Македонија

Во Решение донесено од страна на Министерот за правда Бојан Маричиќ се одбива регистрација на невладина организација поради користење на името Македонија и Република Македонија.

Термините „Македонија“, „Република Македонија“, „ПЈР Македонија“, кратенката „ПЈРМ“, во преведена или непреведена форма, не смеат да се употребуваат во целокупната внатрешна и надворешна официјална комуникација од никого, стои во образложението на решението на Министерството за правда потпишано од министерот Бојан Маричиќ.

Здружението ова барање го поднело согласно со член 9 од Законот за здруженија и фондации според кој „зборот Македонија и зборовите изведени од него, како и неговите кратенки можат да се содржани во името и организацијата само со одобрение на Министерството за правда“.