Директорот на ФЗОМ бара ликовен уметник да го советува за административни работи

На јавен оглас за вработување, Фондот за здравствено осигурување бара советник за директорот кој има завршено ликовна уметност или организациски науки и управување (менаџмент).

Советникот на директорот кој треба да го советува директорот за административни работи според посебните услови треба да поседува „ниво на квалификациите VI А според Македонската рамка на квалификации и најмалку 240 кредити стекнати според ЕКТС или завршен VII/1 степен, Јавна управа и администрација, Ликовна уметност, Oрганизациски науки и управување (менаџмент)“.

Согласно годишниот план на институцијата за 2020 година, пак, предвидено е вработување на еден Албанец или Албанка. Платата изнесува 34.448,00 денари.