Словенија организира бесплатно тестирање на границата со Италија

Словенечката Влада денеска донесе одлука за одобрување на бесплатно тестирање за ковид-19 на граничните премини со Италија, а во прашање се брзи антиген тестови кои ќе бидат достапни на патниците кои ја минуваат границата за работа, потоа на студентите и сопствениците на имот во странство.

Бесплатното тестирање важи за оние групи граѓани кои се исклучок од задолжителниот карантин по влез во државата, односно работници кои дневно ја минуваат границата, студенти и сопственици на имот. За нив не е потребен карантин туку негативен ПЦР и направен тест за антиген, кој не е постар од седум дена, објави агенцијата СТА.