Мицкоски: Најнеспособните велат имаат безбеден протокол за успешен попис, а рекордерите по вакцини го одложуваат истиот

Претседателот на ВМРО-ДПМНЕ Христијан Мицкоски на својот фејсбук профил ја обвини власта дека е неспособна да обезбеди имунизација на населението а во исто време на сила го турка пописот, во услови кога соседна Србија иако со најголема стапка на вакцинирани против Ковид истиот го одложи.

Најкриминалната влада на Балканот, а истовремено и најнеспособната да обезбеди имунизација на населението нѐ убедува дека нема одложување на пописот, обезбедени биле најбезбедни протоколи. А во меѓувреме, соседна Србија која е рекордер во имунизирано население на Балканот, соседна Бугарија, Романија, Косово го одложуваат пописот поради загриженост од енормно ширење на пандемијата. Заклучок: Најнеспособните велат имаат безбеден протокол за успешен попис, а рекордерите го одложуваат пописот поради тоа што сакаат да го заштитат здравјето на граѓаните и да спасат човечки живот. Здравјето на граѓаните не смее да биде заложник на Заев, Филипче и Симовски. Одложување на пописот веднаш. Ќе одговарате!