Команден центар во РЦУК Струмица преку прекуграничниот проект ХЕЛП

Во Регионалниот центар за управување со кризи РЦУК Струмица денеска ќе се изврши примопредавање на Командниот центар набавен во рамки на прекуграничниот проект Интегриран оперативен центар за хуманитарна помош (ХЕЛП), по што во просториите на Центарот за развој на Југоисточниот плански регион ќе биде потпишан договор за давање на користење, одржување и сервисирање на опрема и софтвер набавени во рамки на проектот.

Главна цел на проектот е да се подобрат стратешките и ефикасносноста на јавните администрации и управувањето со природните катастрофи во пошироката прекугранична област со обезбедување на интегрирано решение за техничка поддршка и управување со операциите за помош при управувањето и справувањето со кризи и логистика на лице место.

Партнери во проектот од државава се Центарот за развој на југоисточен плански регион и Центарот за управување со кризи, а од Грција: Меѓународниот Универзитет од Грција, Сектор за Механички Инженеринг, Министерството за внатрешни работи и Грчкиот тим за спасување.