Прелиминарна истрага на Обвинителството за забава во дворот на Универзитетот во Солун

Прелиминарна истрага ќе спроведе Обвинителството во Солун за забавата организирана во саботата во дворот на солунскиот Универзитет, објави грчката новинска агенција АНА-МПА, јави дописничката на МИА од Атина.

Локалните медиуми од Солун објавија видео и фотографии и пишуваа дека учествувале околу 1.000 лица, откако во саботата попладне во дворот на Универзитетот се собрале друштва млади лица, а импровизирана забава траела во текот на ноќта, иако од 21 часот е полициски час во цела Грција.

Обвинителството треба да истражи дали евентуално биле прекршени превентивните мерки за спречување на ширењето на коронавирусот и да ги пронајде организаторите.