Хуманитарен концерт во Тетово за помош на десетчлено семејство во скопско Кучевиште

Културно-уметничкото друштво „Бранко Чајка" од Тетово заедно со Српскиот културно – информативен центар СПОН, вчера организираа хуманитарен концерт на кој настапи ансамблот „Косовски божур" од Србија.

Собраните средства се за помош на десетчлено семејство од скопското село Кучевиште.

–Целта на хуманитарниот концерт е да се помогне на семејството Комненов од скопското село Кучевиште. Тие се семејство со девет деца, социјално загрозени се и организираме да собереме средства за да се направи нова куќа за нив, бидејќи живеат во лоши услови, изјави Милош Стојковиќ, член на Српскиот културно – информативен центар СПОНА.

Концеретот се одржа во салата на музичкото училиште „Тодор Скалоски-Тетоец", а посетителите донираа парични средства. Ансамблот „Косовски божур" од Србија по втор пат гостува во Тетово, а досега девет пати има настапено низ државава