Гир во посета на Крива Паланка по повод првиот роденден на „Куќата на Европа“

Евроамбасадорот Дејвид Гир денеска ќе ја посети Крива Паланка по повод првиот роденден на „Куќата на Европа“.

Гир ќе се сретне со градоначалникот Сашко Митовски, а потоа двајцата ќе присуствуваат на целодневната роденденска програма на „Куќата на Европа“. Најавено е присуство и на амбасадорката на Шведска, Кристин Форсгрен Бенгтсон и на амбасадорот на Бугарија, Ангел Александров Ангелов.

Според агендата, амбасадорот Гир и градоначалникот Митовски најпрво ќе се информираат за реализацијата на проектот финансиран од ЕУ за зајакнување на туристичкиот потенцијал на Крива Паланка и Ќустендил, што се спроведува во рамки на програмата за прекугранична соработка со Бугарија. Потоа ќе го посетат градскиот плоштад кој неодамна беше реконструиран и уреден во рамки на Програмата за локална и регионална конкурентност финансирана од ЕУ.

Амбасадорот Гир и градоначалникот Митовски свечено ќе го отворат и пријателскиот натпревар меѓу кошаркарскиот клуб „КК Крива Паланка“ и кошаркарскиот клуб „Локомотив“ од Софија.