Франција се подготвува да испорача повеќе гас на Германија, во замена за струја, најави Макрон

Европската солидарност е на дело. Франција би можела да биде наведена да испорачува гас до Германија и да добива струја од својот сосед преку Рајна. Ова го соопшти Емануел Макрон, по видеоконференцијата со германскиот канцелар Олаф Шолц, јави дописникот на МИА.

„Ќе се ставиме во позиција да бидеме солидарни со Германија за планот за гас доколку зимата е тешка и има потреба од Германија“, рече претседателот на Републиката. Ова особено ќе вклучи отворање на нови терминали за гас во двете земји, „неколку во Германија и терминал во Ле Авр“.

За време на оваа прес-конференција за енергетиката, Емануел Макрон потсети и на двете најважни прашања според него во месеците што доаѓаат: „да бидеме сигурни дека нема намалувања на енергијата“ и „да бидеме сигурни дека „ќе ги контролираме цените колку што е можно“. За да го направи тоа, Макрон прецизира дека „веќе ги презел сите мерки“, со „диверзификација на изворите на производство, да се придвижи Франција кон повеќе обновливи и нуклеарни извори“, и ги наброи мерките за блокирање на цените на енергијата што веќе постојат. , благодарение на што „се избегна поскапување на гасот и струјата за околу 70 отсто“.

Честитајќи си што има „заштитени домаќинства и претпријатија“, Емануел Макрон сепак признава дека во наредните месеци владата ќе мора „подобро да таргетира и да има поструктурен одговор“ за овие енергетски прашања и дека тоа „мора да биде придружено со европските мерки“. Во овој поглед, шефот на државата особено се залага за „заеднички практики за купување гас“ и го брани „механизмот за европски придонес […] побаран од енергетските оператори“, додека Европската комисија подготвува сопствен план за реформи. „Овој придонес потоа би можел да им се врати на државите за да ги финансираат нивните насочени национални мерки“, објасни тој, додавајќи дека сака и „мерки за борба против шпекулативните практики“.

Шефот на државата, исто така, потврди дека „најдобрата енергија е онаа што не ја трошиме“, и потсети дека целта на францускиот план за енергетска трезвеност е „да заштеди околу 10% од она што вообичаено го троши. За да го направи ова, Емануел Макрон предложи неколку индивидуални мерки што Французите можат да ги преземат: намалување на климата и „радијаторите за греење околу 19 степени во просторијата“.

„Ако се мобилизираме, можеме да ја достигнеме оваа цел од 10 отсто“, смета претседателот, потсетувајќи сепак дека „секој од Французите има своја улога“, бидејќи „првата фаза од општата мобилизација е доброволна трезвеност“.

„Ако ги направиме овие мали колективни напори, сосема спонтано, земјата ќе може да ги постигне своите цели за трезвеност“, оцени Макрон, за кого овој „доброволен“ план за трезвеност може да овозможи да се избегнат ограничувања.

Францускиот претседател исто така призна дека во однос на обновливите извори на енергија, „проектите се премногу бавни“. Според него Франција, „мора да продолжи да напредува“. Тој вчера требаше да оди во посета на паркот со ветерници во Сен-Назаир (Лоара-Атлантик), што беше откажано поради временските услови, при што Емануел Макрон потсети дека „овој проект го започна неговиот претходник“ и оти мора да се „оди многу побрзо во производството на овие обновливи енергии“.