МВР одлучно против криминалот: Претрес во Мирковци, пронашле стара автоматска пушка, во Ресен привеле лице заради ловечка пушка

Полициски службеници од СВР Скопје-Единица за насилен криминал, по добиена судска наредба, денеска извршија претрес во дом на З.З. (55) во скопското село Мирковци.

Како што информираа од МВР, при претресот пронајдена е автоматска пушка.

Полицијата од Битола при претрес во дом и простории пронашла ловечка пушка без дозвола и 33 патрони муниција калибар 16 милиметри.

Како што информираат од Министерството за внатрешни работи, лицето Б.Т. кое ги користи просториите е лишено од слобода и по документирање на настанот ќе следува соодветна пријава.

- Од страна на полициски службеници од СВР Битола - ОВР Ресен во Ресен и ресенско извршен е претрес во дом и простории кои ги користи Б.Т. (53) од Ресен, извршен со наредба од Основен суд Ресен, во врска со член 396 од КЗ. Имено, при претресот на две локации се пронајдени ловечка пушка без дозвола, како и 33 патрони муниција калибар 16мм, стои во соопштението од МВР.