Министерството за внатрешни работи апелира до граѓаните да ги почитуваат мерките и протоколите донесени од Владата и сите заеднички да придонесеме за спречување на ширењето на Ковид 19.

Во текот на вчерашниот ден (03.04.2021) спроведена е зајакната акциска контрола на автопатот Скопје-Гевгелија и магистрален пат Градско-Прилеп за санкционирање на возила кои се движат со брзина поголема од дозволената, при што санкционирани се 175 возила. Од нив, 31 возило се движело со брзина над 50 километри на час повеќе од дозволеното, а девет возила се движеле со дури над 70 километри на час повеќе од дозволената брзина.

Министерството за внатрешни работи во текот на вчерашниот ден (03.04) продолжи со засилените акциски контроли во областа на сообраќајот.

Воз кој сообраќа на релација Гевгелија – Скопје, денеска околу 11:40 часот во Велес, пред новиот мост „Гемиџии“ прегазил 21-годишно момче, потврдуваат за МИА од СВР Велес.

Полиција затекнала млади на Тиквешко Езеро рано утрово за време на полициски час, ќе следи кривична пријава, потврдуваат за МИА од МВР.

ОЈО Скопје донесе Наредба за спроведување истражна постапка против едно лице за кривично дело – Неовластено производство и пуштање во промет на наркотични дроги, психотропни супстанции и прекурсори од член 215 став 1 од Кривичниот законик. Од Обвинителството информираат дека судија на претходна постапка го прифати предлогот за притвор од 30 дена.

На 03.04.2021 околу 14.00 часот во ОВР Кочани е пријавено организирање на свадбена прослава на ул. Шукри Шаин во Кочани на која биле присутни повеќе граѓани.

Педесет и седумгодишен работник од Крива Паланка се повредил додека извршувал градежни работи на зграда во изградба на улицата „Босна и Херцеговина“ во Скопје.

При контрола на стан на 22-годишен струмичанец полицијата синоќа открила дека организирал забава со уште седум лица, со што сториле кривично дело „непостапување според здравствените прописи за време на епидемија”, информираат од МВР.

Од 22.00 часот (02.04.2021) до 05.00 часот (03.04.2021) констатирано е дека 12 лица не ја почитувале забраната за движење. Во текот на изминатото деноноќие (02/03.04.2021) пак, на територијата на Македонија, за мерката за носење лична заштита на лице, регистрирани се 409 прекршоци.