Италијанскиот премиер Марио Драги изјави денеска дека Европската унија мора да комуницира со Кина, со цел да се осигура дека работи на посредување за мир во Украина и да престане да ја поддржува руската инвазија.

Американскиот претседател Џо Бајден денеска замина за Европа, каде ќе учествува на самитот на НАТО и ќе ја посети Полска, а пред тргнување на пат накратко ја искоментира можноста Русија да употреби хемиско оружје против Украина.

Европската комисија денеска соопшти дека предложила за 3,4 милијарди евра да се зголеми Фондот за опоравување и кохезија (REACT-EU), а со цел да се поддржат земјите-членки во прифаќањето на бегалците од војната во Украина.

Западните сојузници се загрижени дека Кина може да обезбеди материјална поддршка на Русија за нејзината војна во Украина, изјави генералниот секретар на НАТО Јенс Столтенберг на денешната прес конференција пред утрешниот Самит на Алијансата.

Државната Дума денеска усвои закон со кој на учесниците во „воената операција“ во Украина им се доделува статус на воени ветерани.

Пронајдена е една од црните кутии на авионот на компанијата „Чајна истерн“, кој со 132 патници се урна неделава во јужниот дел на Кина, објави во средата кинеското цивилно воздухопловство.

НАТО ќе распореди четири нови борбени групи низ Бугарија, Унгарија, Романија и Словачка, соопшти денеска генералниот секретар на НАТО Јенс Столтенберг, како дел од одговорот на Алијансата на руската инвазија врз Украина, јави ДПА.

Бројот на украински дипломати во Белорусија ќе се намали на пет, соопшти белоруското Министерство за надворешни работи.

Активисти на Гринпис протестираа денеска пред голем руски танкер во Балтичкото Море против увозот на руска нафта во ЕУ, за кој организацијата за заштита на животната средина тврди дека ја финансира војната во Украина.

Папата Франциск денеска изјави дека војната во Украина покажа дека човештвото мора да го отфрли чудниот инстинкт за „самоуништување“ и дека купувањето повеќе оружје не е конечно решение за каков било конфликт.