Русија мора да се придржува до Повелбата на Обединетите нации, порачаа британскиот премиер Борис Џонсон и индискиот премиер Нарендра Моди.

Турскиот министер за надворешни работи Мевлут Чавушоглу изјави дека фокусот на овонеделниот состанок на НАТО треба да биде ставен на начините за постигнување примирје во Украина, а не само санкциите.

Курдските безбедносни сили денеска јавија дека во североисточна Сирија заплениле повеќе од 2,5 милиони таблети „Каптагон“, што е најголема заплена на дрога во регионот.

На лондонскиот пазар цената на барелот порасна за 13 центи на 115,75 долари. На американскиот пазар барел нафта се тргуваше за 11 центи поскапо, по 112,23 долари.

Фармацевтската компанија „Фајзер“ денеска објави дека преку УНИЦЕФ ќе обезбеди четири милиони пакувања Паксловид (Paxlovid), лек против Ковид-19 во форма на таблетки, за 95 сиромашни земји каде живее популација од околу четири милијарди луѓе.

Генералниот секретар на ОН, Антонио Гутереш денеска повика на итен прекин на „апсурдната војна“ во Украина, предупредувајќи дека конфликтот „не води никаде“, а украинскиот народ „минува низ вистински пекол“.

Кремљ денеска оцени дека преговорите со Киев се недоволно „суштински“, додека украинскиот претседател Володимир Зеленски рече дека е подготвен за „компромис“ кој, доколку се постигне, треба да биде одобрен на референдум.

Регионот Ривне во северозападна Украина почна со сеидбата на пролетни култури и планира да засее 420.000 хектари и да ги поддржи регионите каде жетвата би можела да биде погодена од војната со Русија, изјави денеска гувернерот Виталиј Ковал.

Украинската контраразузнавачка служба наводно спречила четврти обид за атентат врз украинскиот претседател Володимир Зеленски, пишува германскиот весник „Билд“.

Полска денеска соопшти дека предложила на американските претставници Русија да биде исклучена од групата Г20 големи светски економии и дека тој предлог добил позитивен одговор.