Повеќе од 6,5 милиони луѓе се внатрешно раселени во Украина, соопшти денеска Меѓународната организација за миграција на Обединетите нации (ИОМ), а Германија проценува дека 10 милиони луѓе би можеле да ја напуштат земјата во следните неколку недели, јавува ДПА.

Британскиот премиер Борис Џонсон во телефонскиот разговор со претседателот на Европскиот совет Шарл Мишел се согласи да продолжат со блиска соработка и единствен одговор меѓу Лондон и Брисел за руската инвазија врз Украина, соопшти денеска кабинетот на британскиот лидер.

Денешниот протест на жителите на јужноукраинскиот град Херсон, кој веќе неколку дена се наоѓа под контрола на руските сили, беше растурен со пукање од автоматско оружје, јавија локалните медиуми, додавајќи дека во пукотницата едно лице е повредено.

Гувернерот на украинската област Запорожје, Олександр Старух денеска изјави дека во одвоени инциденти повредени се четири деца.

Руската државна телевизија Канал 1 изрази сомнеж дека новинарката Марина Овсјаникова, која ја прекина информативната програма на таа државна телевизија и ја осуди војната во Украина, можеби е британски шпион.

Белорусија, близок руски сојузник, наскоро би можела да ја нападне Украина и се подготвува да и дозволи на Русија да распореди нуклеарно оружје на белоруска територија, изјави висок разузнавачки претставник на НАТО.

Украинскиот претседател Володимир Зеленски во интервју за европските медиуми изјави дека Украина никогаш нема да попушти пред ултиматумот од Русија и градовите како Киев, Мариупол или Харков нема да прифатат руска окупација.

Европската унија од 2025 година треба да ги добие силите за брза воена реакција, а германските војници треба да го сочинуваат столбот на оваа единица, е договорено на состанокот на министрите за одбрана и за надворешни работи на Европската унија.

Британскиот премиер Борис Џонсон денеска вети дека ќе им помогне на лидерите во нуклеарната индустрија да ги намалат бирократските процедури за финансирање и изградба на нови електрани, со што Британија повторно ќе добие 25 отсто од енергетските потреби од нуклеарната енергија.

Црно Море е важен трговски пат за житариците, нафтата и нафтените производи. Пристанишната управа „Новоросијск“ соотпшти дека е загрозен транспортот во западниот дел на Црното Море.