Заменик претседателката на украинската Влада, Ирина Верешчук вечерва изјави дека е одбиена руската понуда за предавање на Мариупол.

Претходно, британскиот премиерот Борис Џонсон, во телефонски разговор со украинскиот претседател Володимир Зеленски вети дека ќе продолжи да дава воена поддршка за Украина.

Најмалку едно лице загина кога вечерва беа погодени неколку станбени куќи и трговски кварт при гранатирањето на Подол, историскиот кварт на Киев, изјави градоначалникот на украинскиот главен град, Виталиј Кличко.

Членот на украинската делегација и помошник на претседателот, Михаило Подољак потврди дека разговорите со руската делегација ќе продолжат утре.

Неколку експлозии одекнаа вечерва во Подол, историскиот кварт на Киев, изјави градоначалникот на украинскиот главен град, Виталиј Кличко.

Властите на португалските Азорски Острови се во дополнителна готовност, откако 90 помали земјотреси го погодија островот Сао Хорхе во Атлантскиот Океан за 24 часа, иако нема извештаи за причинета материјална штета.

Руското Министерство за одбрана соопшти дека Украина има рок до утре во раните утрински часови да даде одговор за предавање на Мариупол, објавија западните медиуми, повикувајќи се на руската агенција РИА Новости.

Рускиот претседател Владимир Путин не смее да победи во оваа војна, изјави денеска естонската премиерка Каја Калас, додавајќи дека е вознемирувачки да се види што прави Русија во Украина.

Дел од работниците на неоперативната нуклеарна централа Чернобил денеска го напуштија објектот по повеќе од три недели, јави Би Би Си.

Претседателот на Украина во своето обраќање нагласи дека Израел „ќе мора да живее со изборите“ што ги носи, дали ќе помогне во заштита на Украина од руската инвазија.