Лидерот на најголемата албанска опозициска сила, Демократската партија, Љуљзим Баша, вечерва му порача на премиерот на Албанија Еди Рама дека има рок да си замине од функцијата најдоцна до 15 февруари, бидејќи потоа „ќе зборува народот“.

Претседателот на косовското Собрание, Кадри Весели ја потпиша одлуката на законодавниот дом за Статутот на Трепча, со што овој рудник во иднина ќе биде акционерско друштво во стопроцентна сопственост на Република Косово, јави дописникот на МИА од Приштина.

Косовскиот премиер Рамуш Харадинај соопшти дека Косово ја прекина комуникацијата со Мисијата на Обединетите нации во Косово (УНМИК), додавајќи дека писмата што оваа Мисија ги праќа до ОН „не се одраз на вистината“.

Албанија постигна многу резултати и сега е моментот да ги започне преговорите за членство во Европската унија, изјави германскиот министер за Европа Михаeл Рот на средбата во Тирана со спикерот на албанскиот Парламент, Грамоз Ручи.

Бродот на норвешката компанија ПГС, „Рамформ Титан“ од утре ќе почне со прибирање геофизички податоци од дното на Јадранското Море во близина на брегот на Црна Гора, со што ќе стартува втората фаза на истражување на јаглеводороди во црногорското приморје.

Претставниците на српската опозиција, одговарајќи на повикот на организаторите на протестите „1 од 5 милиони”, го усвоија текстот на „Договорот со народот“ од седум точки, како предлог на серија мерки за обезбедување на правични избори и враќање на демократските принципи и владеење на правото по „победата над режимот на Александар Вучиќ“, соопшти опозициската коалиција Сојуз за Србија (СзС).

Монахот од манастирот Врањина, Горан Кимпанов, со свештеничко име Неофит, му е одреден 30 дена притвор, поради трагедијата која се случи на Скадарското Езеро во неделата, соопшти Основниот суд во Подгорица.

Поголемиот дел од медиумите во Грција, технички, без анализи и коментари го пренесуваат текстот објавен од грчката новинска агенција.

Заштедите на албанските граѓани во заедничката европска валута, еврото, на крајот од 2018 година, достигнаа рекордни над четири милијарди евра, што претставува зголемување за 10 отсто во споредба со претходната година, објави Централна банка на Албанија.

Претседавачот со Претседателството на Босна и Херцеговина, Милорад Додик изјави дека нема причина за стравување од војна и дека мора да се сочува мирот и да им се даде можност на луѓето да одлучуваат.