Хрватска конечно доби нова Влада

По неколку месечни преговори за составот на новата Влада на Хрватска, каде што на изборите победи десно ориентираната ХДЗ, вчера Хрватското собрание со 91 глас, 45 против и 3 воздржани и довери мандат на новата Влада чиј премиер ќе биде Андреј Пленковиќ а во составот на Владата ќе има 19 министри.

Иако во експозето пред пратениците Пленковиќ не понуди конректни проекти и рокови, говореше за економскиот раст, отварање на нови работни места, социјална праведност и еднаквост како и за намалување на иселувањето од Хрватска.

Се чини дека едногодишната криза во Хрватска која резултираше со предвремени парламентарни избори е решена и дека новата Влада ќе биде стабилна за одработување на четиригодишниот мандат.