Заклучокот за завршувањето на изборите ДИК го донела на вчерашната седница, откако преходно беа објавени конечните резултати од прегласувањето за избор на градоначалник на општина Чаир на едно избирачко место.

Во Кавадарци денеска беше конституиран новиот Совет на општината. За негов претседател е избран Ристо Сакалиев, кој изјави дека ќе работи во интерес на сите кавадарчани.

На денешната седница на Советот на општина Охрид, Живка Ангелоска беше избрана за претседател.

На денешното гласање излегле 272 гласачи, а Ганиу освои 169 гласови, додека неговиот противкандидат Зеќирија Ибрахими од Движењето БЕСА имаше 98 гласови. Со тоа Ганиу има вкупно 13.987 гласови, односно 346 повеќе од неговиот конкурент.

Движењето БЕСА преку соопштение побара од институциите да создадат услови за слободно изразување на волјата и политичката убеденост на гласачите на прегласувањето во општина Чаир.

До 17 часот на избирачкото место 2901 во општина Чаир на гласање излегле 251 од вкупно запишаните 719 избирачи, односно 34,9 отсто, соопшти портпаролката на ДИК, Љупка Гугучевска на прес-конференција.

Без проблеми и непрекинато се одвива гласањето на гласачкото место 2901 во општина Чаир каде што се прегласува вториот круг од локалните избори.

По одбиениот приговор на Беса за избирачкото место 2901 во ОУ „Иднина“, Чаир, Управниот суд Скопје, донесе одлука за прегласување, прифаќајќи ја нивната жалба.

Денеска се прегласува на гласачкото место 2901 во општина Чаир, а до 10 часот на гласање излегле 4,45 отсто од запишаните гласачи, односно 32 лица.

Од синоќа од полноќ почна изборниот молк поради утрешното прегласување во избирачкото место 2901 во општина Чаир. Тоа е единственото место на кое се прегласува по вториот круг од локалните избори.