Седница на собраниската Комисија за прашања на изборите и именувањата

Собраниската Комисија за прашања на изборите и именувањата попладне ќе одржи седница на чиј дневен ред е Предлог-одлуката за избор на претседатели, заменици на претседателите, членови и нивни заменици на комисиите на Собранието на Република Македонија.

Пратениците денеска претпладне ја завршија конститутивната собраниска седница на која беа избрани претседател, заменик претседател, членови и нивни заменици на Комисијата за прашања на изборите и именувањата, по што на друга, трета седница, ја изгласаа Одлуката за основање постојани собраниски работни тела на Собранието на Република Македонија.