28 милиони евра е тешка приватната сметка на Кочо Анѓушев

Богатството на Кочо Анѓушев тежи околу 28 милиони евра. Вицепремиерот за економски прашања, денеска јавно го обелодени својот анкетен лист.

Семејството Анѓушеви поседуваат станови во Скопје и Белград и куќа на Халкидики во Грција која има вредност од 250.000 евра.

Од недвижниот имот во Скопје, поседуваат една куќа и пет станови во центарот на Скопје.

На име на Анѓушев се две луксузни возила - марка „масерати“ и „порше“ во вкупна вредност од 120.000 евра.

Во негова сопственост се уметнички слики и скулптури, дваесет на број во вредност од 105.000 евра, четири рачни часовници од брендовите „ролекс“, „омега“ и „картие“, златен накит и моторен чамец.

Најголема вредност има уделот во групата Фероинвест, каде тој е содружник со 80 посто од акциите, или 21 милиони евра.

Неговата сопруга пак ја има фирмата Офисрент, со вредност од 630.000 денари.