Алибаба рекламира гумени чамци за бегалци

Кинеската компанија Алибаба рекламира на својот сајт „гумени чамци за бегалци“ во момент кога ЕУ се обидува на сите начини да се избори со приливот мигранти и спречи криумчарење луѓе преку Медитеранот.

Чамците се продаваат по цена од 800 до 1.100 долари, а се рекламираат како производ со висок квалитет. Долги се 9 метри и широки речиси два метра. Може да се порачаат во која било боја.

Стандардна опрема за чамците е пумпа, опрема за поправка, весла и седишта. Дополнителна опрема се појаси за спасување. Гаранцијата им е од три до пет години.