Во среда пресуда за случајот „Тврдина 2“

Највисока затворска казна за првоосомничениот, поранешен началник на УБК за случајот „Тврдина 2“ побара СЈО. За останатите шест вработени во Управата, условна казна. Одбраната заклучи- ова не е кривично дело, побара ослободување.

Затворска казна за првоосомничениот, поранешниот началник на УБК за случајот „Тврдина 2“ побара специјалното обвинителство. За преостанатите шест вработени во Управата, условна казна поради како што наведе обвинителката Ристовска, фактот што немале никаква дамка во досегашното работење . Се товарат за уништување и фалсификување службена документација.

Одбраната со став, делото за кое се обвинети не е кривично и треба да се ослободат од обвинението. Ја спорат и надлежноста на Специјалното јавно обвинителство со образложение дека, за кривичното дело за кое се товарат наводно било сторено во 2015-та, период кога не припагало во работата на Специјалното обвинителство.

Шесте службенички пред судот рекоа дека долго се во УБК, професионално ги извршувале работните задачи, ја почитувале хиерархијата и постапувале исклучиво по наредбата на нивниот претпоставен.

В среда судот ќе ја соопшти пресудата.