МВР со викенд акција во рестораните и дискотеките низ Битола и Прилеп

Засилено полициско присуство во повеќе кафулиња и барови во Прилеп и Битола.

МВР во координација со УЈП, викендов спроведува акција во повеќе локали низ градовите.

Полицијата започнала со проверки од 22 часот вечерва а се проверуваат кафулиња, дискотеки, ресторани и барови за нелегално точење алкохол на малолетници, непочитување на законот за пушење и неиздавање фискални сметки, објави Макфакс.

Од МВР не откриваат во колку локали досега се забележани неправилности во работата. Повеќе детали се очекуваат во текот на утрешниот ден.

Минатиот викенд МВР спроведе акција во Скопје по што 13 локали беа затворени.