Кинезите живеат на -49

Кинеските власти започнаа евакуација на над 4.000 лица во централните и источните делови на земјата поради силното снежно невреме и екстремно ниските температури, што предизвикаа застој во сообраќајот.

Од екстемните временски услови најтешко е погодена источната провинција Анхуи, а во градот Генхе е измерена температура од минус 49 степени Целзиусови.

Во најзагрозените региони се упатни спсувачки екипи, а за евакуација на жителите се ангажирани авиони и возови.

Поради невремето за сообраќај се затворени над 30 автопатишта во централните делови на Кина, пред се во провницијата Хубеј.

Аеродромот во админстративниот центар на покраината Хунан, Лангшау од вчера е затворен за сообраќај поради мразот од два сантиметри формиран на пистата, додека во Јангсу се откажани над 10.000 железнички и 420 автобуски линии.