Столтенберг: Северна Кореја претставува закана за сите членови на НАТО

Северна Кореја претставува закана за сите членки на НАТО, предупреди од говорницата на Конференцијата за безбедност во Минхен генералниот секретар на Алијансата, Јенс Столтенберг.

- Северна Кореја продолжува да ги развива своите нуклеарни и ракетнии програми кои претставуваат закана за сите нас. Сите сојузници сега се во полето на пострел на севернокорејските ракети, истакна тој.

- Пјонгјанг е поблиску до Минхен, отколку до Вашингтон, додаде Столтенберг и повика на максимален притисок врз Северна Кореја за да се откаже таа од својата нуклеарна програма.

Според него, тоа може да се постигне со користење политички и дипломатски средства, но и преку ефикасни економски санкции.

Генералниот секретар рече дека за ова прашање Русија и Кина имаат посебна одговорност како членки на Советот за безбедност на ОН и непосредни соседи на Северна Кореја.