И Македонија ќе биде дел од Европскиот број за итни повици 112

На седница на Владата на Република Македонија била разгледана информација во врска со вклучувањето на Македонија како дел од единствениот Европски комуникациско - информативен систем.

Министрите на седницата ја разгледаа и ја усвоија Информацијата за одржан координативен состанок за изнаоѓање начин за обезбедување финансиски средства потребни за реализација на единствениот комуникациско информативен систем со единствениот Европски број за итни повици Е-112 во РМ. Дополнително, претставници од неколку министерства и надлежни институции треба да формираат меѓу ресорска група (оперативен тим), со цел преземање на активности за реализација и имплементација на Системот за итни повици Е-112 во РМ и во најкус можен рок да подготват Информација и истата да ја достават до Владата на РМ.