Хан вети одлука за визната либерлизација за Косово пред летните одмори

Комесарот за проширување на Европската унија, Јоханес Хан најави дека одлуката за визната либерализација за Косово ќе биде донесена многу наскоро и нагласи дека Европската комисија ќе го одржи ветувањето, јави дописникот на МИА од Приштина.

- Ќе го одржиме ветувањето и ќе ја донесеме одлуката пред летните одмори, изјави Хан за приштинската телевизија КТВ.

Изјавата Хан ја даде во Лондон, каде што учествува на Самитот на ЕУ и Западен Балкан во рамките на Берлинскиот процес.

Меѓу високите претставници на шесте земји од регионот, на самитот, од Косово, учествуваат премиерот Рамуш Харадинај и министерот за надворешни работи, Беџет Пацоли.