Жена загина, а девојче е тешко повредено во сообраќајка на бул. „Србија“

Шеесет и едногодишна жена го загуби животот, а тригодишно девојче е тешко повредено синоќа кога во нив удрило комбе на булеварот „Србија“ во Скопје.

МВР соопшти дека околу 20Ч05 часот во Секторот за внатрешни Скопје било пријавено дека на булевар „Србија“ товарно моторно возило „Пежо Партнер“ со велешки регистерски ознаки управувано од П.Т.(40) од Велес удрилo во пешаците В.Т.(61) и тригодишно девојче од Скопје.

Во незгодата пешаците се здобиле со тешки телесни повреди и со возило на итна медицинска помош биле пренесени во Комплекс клиники „Мајка Тереза“ за укажување на лекарска помош. Во 22:45 часот В.Т. им подлегнала на повредите.

Извршен е увид на местото на настанот. Се работи на расчистување на случајот.