Тирана: Го подржуваме дијалогот Приштина-Белград

Координаторот на пратеничката група на албанската владејачка Социјалистика партија, Таулант Бала, на седница на парламентарната Комисија за евроинтеграција, изјави дека Албанија го поддржува дијалогот меѓу Косово и Србија.

На прашањето на демократот Алдо Бумчи, кој е ставот на неговиот партиски лидер и актуелен албански премиер Еди Рама околу „корекцијата на границите“, Бала не даде прецизен одговор, нагласувајќи дека Косово е суверена држава и оти Албанија не се меша во неговата надворешна политика.

Прашањето следува откако во последно време Рама се почесто е обвинуван дека ја подржува идејата на косовскиот претседател Хашим Тачи за корекција на границите меѓу Косово и Србија преку размена на територии.