Источниот регион го доби првото регистрирано здружение на љубители на стари автомобили

Делчевскиот регион го доби првото регистрирано Здружение на љубители на стари возила.

Како што информира претседателот Лоренцо Трајановски, здружението „Кралеви на патиштата” е прво од ваков вид не само во Делчево, туку и на територијата на Источна Македонија.

-Чест и задоволство ми е да соопштам дека денеска е регистрирано нашето здружението „Кралеви на патиштата” со меѓународно име „King’s of the roads”, рече Трајановски, изразувајќи благодарност до сограѓаните, „Ретро фрикс“ од Битола, „Ретро Клуб Пирин“ од Благоевград, Општина Делчево и други приватни фирми од Делчево.

Она на што ќе се фокусира ново формираното здружение е организирање на четвртото Ретро-кар шоу што треба да се одржи на 13 април во Делчево.