Мицкоски: Овие избори се вистинската борба за правда, принципи и вредности

Според лидерот на ВМРО-ДПМНЕ, овие избори не се само претседателски и локални, туку избори на кои се одлучува за иднината на Македонија, а најголеми победи, како што рече, се оние кои се издвоени со мудрост и решеност. Ги повика граѓаните со гласање да ја победат власта.

– Има работи во животот за кои вреди да се бориш. Ова е тоа време, ова е борбата на нашата генерација, борбата по која ќе се паметат храбрите. Ова е борбата за иднината на Македонија. Ова не се само локални и претседателски избори. Ова се избори за кои се одлучува иднината на Македонија, иднината на вашите семејства. Ова е борба за правда, приципи и борба за вредности. Ова е шанса за исправање на сите неправди сторени кон татковината, рече Мицковски.

Обвини дека имало обиди да го спречат народот да дојде на митинг, но, како што рече, не успеале во тоа. Според него, на државата и треба претседател кој ќе ја води суверено, силно и посветено, а таков избор е Гордана Сиљановска-Давкова.