Селмани: Гласот за Стево е најдобра инвестиција за иднината

Стево Пендаровски е олицетворение на идејата на едно општество и заедничка иднина на сите, порача вечерва Имер Селмани од конвенцијата на заедничкиот кандидат за претседател Стево Пендаровски.

- На овие избори Стево е најдобрата инвестиција за мене, за вас, за сите нас. Тој знае да сплотува и да ги преминува етничките бариери. Од него извира визијата за еднаква држава, која ќе биде развиена, напредна и интегрирана во ЕУ и НАТО. Тоа е она што ни треба нам, но и на нашите деца, истакна Селмани.

На крајот, Селмани ги повика граѓаните без разлика на етничката, верската или национална припадност, на изборите да дадат масовна поддршка за Пендаровски.