Река: „Нула проблеми со соседите“ ќе биде мојот постулат на владеењето

Приближување на Република Северна Македонија кон Европската унија, но и држава без дискриминација во која владее законот, како и продолжување на работата на Специјалното јавно обвинителство се дел од пораките на кандидатот за претседател на Алијанса на Албанците и Беса, Блерим Река кои вечерва ги испрати на митингот во Струга.

Доколку биде избран за претседател на државата, тој пред стружани посочи дека ќе ги реши сите проблеми со соседите, бидејќи, како што рече, една од неговите пароли е „нула проблеми со соседите“.

– Ќе работам на тоа да не завршиме како празна држава, бидејќи до сега една четвртина од населението ни се исели. Сите анализи на Светската банка говорат дека до 2040 година ако не направиме некоја поголема промена во социјалните и другите политики, можеме да завршиме со половина помалку население од сега, истакна Река.

Со своите глобални политики, додаде, ќе ја приближи земјата кон ЕУ.

*Платено политичко рекламирање