Анкета на ТВ Телма: Граѓаните кои не одлучиле за кого ќе гласаат, ќе го решат победникот

Кандидатот за претседател на СДСМ Стево Пендаровски води со 3,7 процентни поени разлика пред кандидатот на ВМРО-ДПМНЕ Гордана Силјановска Давкова, покажува новата анкета, што по нарачка на Телма ја изработи Институтот за демократија Социетас Цивилис во Соработка со МЦМС.

Според анкетата Пендаровски добил поддршка од 27,2 процентни од испитаниците, Силјановска 23,5 отсто, а Блерим Река 11 отсто.

Резултатите покажуваат дека 17,7 отсто од испитаниците се уште не одлучиле за кого ќе го дадат својот глас, додека 16,4 нема да гласаат за ниту еден од тројцата кандидати.

Анкетата е спроведена телефонски во период од 7 април до 11 април на репрезентативен промерок од 967 испитаници.