Ендемична билка причина повеќе да се посети Богданци

Невладината организација „Полимат 13“ од Богданци утре организира посета на значајното подрачје во општината каде расте ендемичната билка Astragalus physocalux, карактеристична кај нас и во поширокиот регион.

Растението, освен на територијата на општина Богданци, расте само уште на две места во светот и најатрактивно е токму во месеците април и мај кога е во фаза на цвет, велат организаторите на посетата.

Организаторите ги поканија сите заинтересирани граѓани на општина Богданци и соседните општини да им се придружат и заедно да поминат прекрасен ден во природа.