Река: Граѓаните ќе го поддржат мојот концепт на мултиетничка и Евроатлантска „Република“

Претседателските кандидати, Блерим Река, Гордана Силјановска–Давкова и Стево Пендаровски денеска се соочија во дебатната емисија „Детектор“ на ТВ Сител. Во 80-минутната дискусија тие зборуваа за своите програми, но и за темите произлезени од истражувањата на јавното мислење што за „Детектор“ ги направи Институтот за политички истражувања Скопје (ИПИС): меѓуетничките односи, Преспанскиот договор, интеграциите, приоритетите, прашањето за амнестија и аболиција, партиските влијанија и условите за фер избори.

-Фокусот на мојата претседателска програма останува „Република за сите“, со законот над сите и ќе има два приоритета. Првиот, како до мултиетничка република, која може да е модел со сите рамноправни граѓани кои ќе го почитуваат уставот и законот, и вториот е како до евро-атланска република, односно како да се потрудиме што побрзо да го добиеме датумот за евроинтеграции, истакна Блерим Река за првата тема која се однесуваше на пораките со кои претседателските кандидати сакаат да ги привлечат гласачите.

*Платено политичко рекламирање