Река: Постои сомнеж за манипулација со 250.000 гласови на денот на изборите

Анкетите за потребите на емисијата Детектор во која дебатираа претседателските кандидати покажале дека граѓаните во голема мера немаат доверба во политичкиот систем во земјата и не веруваат во регуларноста на изборите.

Во таа насока кандидатот за Претседател Блерим Река истакна дека граѓаните имаат недоверба во политичкиот систем и не им веруваат на изборите бидејќи имаме неимплементирани препораки на ОБСЕ-ОДИХР и немаме ажуриран избирачки список.

-Зошто актуелните власти, Владата и Министерството за правда, не ги спроведуваат клучните препораки од 2016 од ОБСЕ -ОДИХР. Не е ажуриран избирачкиот список и во него стои дека има милион и осумстотини илјади гласачи, а знаеме дека до 2017-та година иселени се минимум 250.000 граѓани. И ние на денот на гласање ќе имаме милион и петстотини и педесет илјади гласачи. Ова е простор за манипулација со тие 250.000 гласачи. Тоа е терен за полнење кутии, за таканаречениот бугарски воз. Ќе се манипулира со тие фантоми или 250 илјади гласачи кои не се тука во Македонија, истакна Река.

*Платено политичко рекламирање