Пендаровски: Законот за јазиците нема никому да наштети

На претседателската дебата на Телевизија Ал-Сат, кандидатот за Претседател подддржан од СДСМ у ДУИ Стево Пендаровски рече дека е конзистентен по прашањето за Законот за јазиците и смета дека тој закон нема никому да наштети, туку е донесен за унапредување на правата на етничките заедници.

-Станува збор за максимална екстензија во однос на т.н. јазични права на етничките Албанци. Кога давате повеќе права на една етничка заедница, а не земате од друга нема опасност од распаѓање на државата, туку на тој начин се зајакнува кохезијата и секој што и мисли добро на Република Северна Македонија би морал да води сметка за таков тип на закони, рече Пендаровски.