До 15 часот Тетово со 19,83, а Желино 10,06 отсто излезеност

Најмалата по број на жители, општина Јегуновце и до 15 часот повторно има најголема процентуална излезност на граѓаните кои имаат можност да изберат нов претседател. Од 10.171 гласач и 21 избирачко место во Јегуновце гласале 21,80 отсто од граѓаните со право на глас.

И општина Брвеница бележи 20,90 проценти излезеност на 24-те избирачки места каде ќе може да гласаат вкупно 15.268 граѓани. Општина Тетово бележи 19,83 отсто, а Теарце 15, 48 отсто од граѓаните кои дошле до избирачките места да гласаат.

Најмлаку излезеност има во општините Боговиње и Желино. Во Боговиње од 27.501 гласачи гласале само 12,12 отсто, а во Желино 10,06 отсто од граѓаните запишани во избирачкиот список.