Силјановска: После три години постреволуционерен молк, како одеднаш се појави шарена револуција

Кандидатот за претседател на Македонија, Гордана Силјановска Давкова во изјава за медиумите објасни зошто не ја прифатила поканата да биде дел од дебатата организирана од шарените револуционери

- Jас не знам во моментов, после речиси три години постреволуционерен молк, како одеднаш сега повторно се појави шарена револуција. Знам што е револуција, не верувам дека пратеници, советници, членови на управни одбори, носители на проекти од огромни суми, имаат легитимитет да се претставуваат како шарена револуција. Впрочем нивните ставови беа и се исти, како ставовите на мојот против кандидат. Го очекував на Телма, го очекував еве денеска требаше на Алфа, не се појави, мислам дека тој ги артикулира овие ставови. Мојата агенда е преполна, јас ги почитувам сите, но не мислам дека се тие разочараните шарени револуционери, оние револуционери коишто сметаа дека револуцијата треба да тече, а за да бидете револуционер треба да бидете, не само на пристојно растојание, туку да бидете наспроти власта. Јас на тие им се обраќам, а оваа листа што ја видов не мислам дека е репрезентативна за некој кој се нарекува револуционер. Не сум чула пратеници, министри, реков, членови на бордови, да бидат револуционери, истакна Силјановска.

*Платено политичко рекламирање