Навремено отворени гласачките места во Дебрца, изборниот процес се одвива непречено

Гласањето во рамки на вториот круг од претседателските избори непречено се одвива и во Општина Дебрца.

Како што појасни заменик-претседателот на ОИК Сашо Силјановски, навреме точно во 7 часот се отворени сите 28 избирачки места, а се гласа на 25 локации.

Според единствениот избирачки список, во Општина Дебрца се регистрирани вкупно 4.422 лица кои денеска ќе можат да го остварат своето гласачко право.