Во Струга ќе биде познат шампионот на кошаркарките М18

Кошаркарките во јуниорска возрасна категорија до 18 години шампионот за тековната натпреварувачка сезона ќе го одлучат во спортската сала „Нико Нестор“ во Струга.

Одлуката за местото на одржување на натпреварите е донесена откако наддавачите од клубот Струга 2009 победија на лицитацијата одржана во просториите на КФСМ.

Во тековната натпреварувачка сезона (2018/2019) согласно системот на натпреварување, девојките во оваа возрасна категорија разигруваа меѓу себе во рамки на 15 кола регуларен тек, како и систем на разигрување, а својата надмоќ над противниците ја демонстрираа тимовите на Струга 2009, Баскет Кам, Бадел 1862 и Шкупи.

Натпреварите почнуваат на 1 јуни 2019 година, кога ќе се одиграат два натпревара и тоа првиот меѓу Бадел 1862 и Баскет Кам, и вториот меѓу Струга 2009 и Шкупи. На вториот и последен ден од натпреварите прво ќе се води битка за третото место меѓу поразените од првиот и вториот натпревар, а финалето кое ќе започне во 15 часот ќе се игра меѓу победниците од првиот и вториот натпревар.