Заврши изградбата на новото фудбалско игралиште со вештачка трева во Кичево

Градежните активности за изградба на фудбалскиот терен со вештачка трева, што ќе биде прв објект од ваков вид во Кичево, веќе се завршени. Спортското игралиште е со димензии 101 метри должина и 71 метро ширина и се наоѓа во населба Пашино, односно во близина на главниот терен на комплексот на ФК „Влазерими“.

Преставникот на ОФС- Кичево Џевдет Далипи нагласи дека вештачката трева е направена од еколошки материјали од италканско произвосдво, а со тоа, како што рече, нејзината одржливост и долготрајност е загарантирана.

Инвестицијата за изградбата на фудбалското игралиште е во вкупна вредност од 350 илјади евра и се обезбедени од ФФМ.

Инаку, Меморандумот за соработка меѓу ФФМ и Општина Кичево беше потпишан претходно од страна на претседателот на ФФМ Мухамед Сејдини и градоначалникот Фатмир Дехари.

Градежните работи се завршени во предвиденото време и ова игралиште ќе и служи на ФК „Влазерими“ како помошно игралиште, но и на останатите фудбалски екипи од ОФС-Кичево.