Општина Демир Хисар ја утврди програмата за третата по ред Демирхисарска летна школа

Општина Демир Хисар ја утврди програмата за третата по ред Демирхисарска школа која според востановената традиција ќе почне в недела, на Иванден.

Летната школа ќе ја отворат градоначалникот Марјанче Стојановски, раководителот на школата Сашо Цветковски и митрополитот Преспанско-палегониски г. Петар.

Учесниците на школата до 14 јули ќе работат на повеќе теми од областа на археологијата, архитектурата, историја на уметност и теологија.

Демирхисарската летна школа традиционално се одржува во манастирот „Св. Јован Претеча“ кој се наоѓа во демирисарското село Слепче.