„Дуинг бизнис“ од 2020 година ќе ги оценува и државните тендери

До година во рејтингот „Дуинг бизнис“ на Светската банка (СБ) ќе се појави нов индикатор за оценка на процедурите за државни тендери, соопшти Банката.

Ќе се оценува транспарентноста на процедурите и пристапот на малиот и среден бизнис до државните тендери. Пилот оценување веќе било спроведено во 78 земји. Воведување на таков показател се разгледувало од поодамна, уште од 2016 година, но досега индикаторот сепак не бил вклучен во рејтингот на СБ.

Република Македонија во рејтингот „Дуинг бизнис“ годинава се најде на високо 17-то место, а во 2018 беше на десетто. Од Светската банка потврдија дека падот од седум места е поради променатата методологија на оценување.