Пиесата „Враќање дома“ на Османли објавена во „Балкански књижени гласник“

Во новиот, 40-ти број на литературно списание „Балкански књижени гласник“ деновиве е објавен најновиот драмски текст на Томислав Османли – „Враќање дома“.

Пиесата се однесува на траумите на наши современици од две генерации кои, како што вели писателот, ги жи­веат своите делби, сонот за богатство, носталгии, острас­тените поли­тизации, социјални трауми, политички фрус­трации, и во еден дел – реализираните желби за заминување од тука, од овој или од некој друг град, додека повеќето остануваат заглавени на истото место, во едно от­ту­ѓено меѓувреме.

Списанието „Балкански књижевни гласник“ во Србија излегува петнаесет години и ја афирмира литературата и уметноста на автори од балканските простори. Објавува оригинални прозни, драмски, поетски есеистички творби, прикази и интервјуа.

Пиесата „Враќање дома“ на Османли пред неколку месеци беше објавена во неговата книга „Нови драми“ во издание на ВиГ „Зеница“ од Скопје.