ВМРО-ДПМНЕ: Никој веќе не верува во лагите на Заев, инвестираше само во криминалот и корупцијата

Очај и беда е кампањата на Зоран Заев. Го потценува сеќавањето на граѓаните. Во 2016 година ветуваше дека ќе изгради 600 километри нов автопат, 550 километри магистрални и 1.000 километри локални патишта, а сега нема направено НИШТО. Ветуваше дека ќе почне изградба на нов клинички центар во Скопје, Хидроцентрала Чебрен и Галиште, студентски центри во Скопје, Тетово и Штип и уште десетина други лаги.

Мисли дека ако тој и неговите функционери заборавиле, дека и народот заборавил. Многу се лаже. Имаше можност да направи нешто, но тој таа можност наместо за граѓаните ја потроши за заштита на криминалот, организирање на коруптивни и рекетарски мрежи и за полнење на торби со милиони евра кои завршуваа во џебови на негови блиски соработници

Заев веќе никој не го верува. Потроши 4 буџети на државата, а ништо не изгради. Реализација на капиталните инвестиции во овие години власт на Заев и СДСМ едвај надминуваше 50% од планираното, ама затоа рекетот, корупцијата и криминалот беа реализирани 100%.

СДСМ покажа дека можат единствено повеќе криминал, можат повеќе корупција и можат само порази. Да ставиме крај на виткањето кичма. Исправи се Македонијо! Одбери обнова!

Со почит, Центар за комуникации на ВМРО-ДПМНЕ